Тоқаев Бюджет кодексіне өзгерістер енгізу туралы заңға қол қойды

Президент Қасым-Жомарт Тоқаев Бюджет кодексіне түзетулер енгізуді көздейтін заңға қол қойды, - деп хабарлайды Tengrinews.kz тілшісі Ақорда сайтына сілтеме жасап. 

"Мемлекет басшысы "Қазақстан Республикасының Бюджет кодексіне өзгерістер мен толықтырулар енгізу туралы" Қазақстан Республикасының Заңына қол қойды", - делінген хабарламада.
 
 

Заң жобасын Парламент депутаттары ұсынған. Ол қабылданған жағдайда мыналар қарастырылады:

• бюджеттік бағдарламалар әкімшілерінің лимиттерін айқындау жөніндегі тәсілдерді өзгерту;
• мемлекеттік органдардың бюджеттік өтінім шеңберінде бюджеттік инвестициялар мен субсидияларға арналған шығынның экономикалық тиімдігіне бағалау жүргізу;
• бюджеттік өтінімдерді шығыстардың жаңа бастамалары бойынша ғана есептеулермен енгізу;
• Ұлттық қордың жинақтау функциясын күшейту үшін контрциклді бюджет ережесін енгізу;
• республикалық бюджетте президенттік бастамаларға арналған резервті жоспарлау;
• "мемлекеттік тапсырма" тетігінің қолданысын жетілдіру;
• республикалық бюджет жобасына материалдарды Парламентке ұсыну форматын өзгерту.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!