Тоқаев дәрі-дәрмектерді негізсіз қымбаттатқандар жауапқа тартылатынын айтты

Президент Қасым-Жомарт Тоқаев дәрі-дәрмектердің бағасын негізсіз жоғарылатқандарды жауапқа тартуға уәде берді, - деп хабарлайды Tengrinews.kz тілшісі.

Мемлекет басшысы Twitter-дегі жазбасында қазақстандықтардың дәріханалардағы бағаға қатысты шағымы орынды екенін айтты.

"Азаматтарымыздың дәріханалардағы аса қажетті дәрі-дәрмектердің негізсіз қымбатауына байланысты шағымдары орынды. Пандемия кезінде бұған жол беруге болмайды. Үкімет пен құқық қорғау органдарына аталған мәселені реттеу тапсырылды. Кінәлілер жауапқа тартылады", - деді Тоқаев.

Қазақстан жаңалықтары. Соңғы жаңалықтар. Telegram желісінде бізге жазыл!