Тоқаев екі мерзімнен артық президенттік сайлауға түспейтінін мәлімдеді

Мемлекет басшысы Қасым-Жомарт Тоқаев "Хабар 24" телеарнасының журналисі Вера Захарчукке берген сұхбатында екі мерзімнен артық президенттік сайлауға түспейтінін мәлімдеді, - деп хабарлайды Tengrinews.kz тілшісі.

"(...) Қазақстан Президенті қызметінде қанша болатынымды білмеймін, бірақ нақты білетінім Конституцияға сәйкес екі мерзімнен артық болмайды. Заңды, оның үстіне Конституцияны өзгерту болмайды", - деді Президент.

Президенттің сұхбаты "Хабар" және "Хабар 24" телеарналарынан көрсетілді. 

Айта кетейік, Қасым-Жомарт Тоқаев 2019 жылдың маусым айында президенттік сайлауда жеңіске жетіп, Қазақстан Президенті болған. Сол кезде Орталық сайлау комиссиясының мүшесі Ләззат Сүлеймен Тоқаевтың кандидатурасы үшін сай­лау­шылардың 6 миллион 539 мың 715 дауысы берілгенін хабарлаған. Бұл - дауыс берген сай­лау­шылардың 70,96 пайызы.

Сілтемесіз жаңалық оқисыз ба? Онда Telegram желісінде парақшамызға тіркеліңіз!