+7 (777) 001 44 99
Қазақша
Русский
English
08 қараша 2022 11:32
Тоқаев жасөспірімдерге энергетиктер сатуға тыйым салу мәселесін қарастыруды тапсырды
Қасым-Жомарт Тоқаев үкіметке жасөспірімдерге энергетикалық сусындарды сатуға тыйым салуды қарастыруды тапсырды, - деп хабарлайды Tengrinews.kz тілшісі.
ПОДЕЛИТЬСЯ
Қасым-Жомарт Тоқаев үкіметке жасөспірімдерге энергетикалық сусындарды сатуға тыйым салуды қарастыруды тапсырды, - деп хабарлайды Tengrinews.kz тілшісі.
Бұл туралы Мемлекет басшысы Атырау облысының тұрғындарымен кездесуде айтты.
"Қоғамда жасөспірімдерге энергетикалық сусындарды сатуға тыйым салу керектігі кеңінен талқыланып жатыр. Үкімет бұл мәселені зерттеп, нақты шешім қабылдауы керек", - деді Мемлекет басшысы.
Сондай-ақ, ол бүкіл қоғам есірткіге қарсы ымырасыз күресу керектігін баса айтты.
"Бұл өскелең ұрпақтың және бүкіл халықтың денсаулығы үшін өте маңызды. Біз жастардың бойында зиянды әдеттерге жол бермеуіміз керек. Қазір көптеген жасөспірімдер мен мектеп оқушылары кез келген жерден оңай сатып алуға болатын электронды темекіні пайдалана бастады. Бұл өте қауіпті жағдай. Біздің елде 21 жасқа толмаған адамдарға алкоголь өнімдерін сатуға тыйым салынған. Алайда бұл жағдай іс жүзінде байқалмайды", - деді Мемлекет басшысы.
Президент уәкілетті органдарға бақылауды күшейту керектігін атап өтті.
"Ел бесіктен басталады" деп Мұхтар Әуезов айтқандай, жас ұрпақтың денсаулығы мен тәрбиесін бүгіннен бастап ойламасақ, ертең кеш болуы мүмкін", - деп қорытындылады Тоқаев.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
