Тоқаев жылжымайтын мүлікке құқықтарды тіркеу туралы түзетулерге қол қойды

Президент Қасым-Жомарт Тоқаев жылжымайтын мүлікке құқықтарды және заңды тұлғаларды мемлекеттік тіркеу туралы түзетулерге қол қойды. Түзетулердің бір нормасы жылжымайтын мүлікке құқықтарды кеш тіркегені үшін айыппұлдың күшін жоюды білдіреді, - деп хабарлайды Tengrinews.kz тілшісі Ақорда сайтына сілтеме жасап.

"Мемлекет басшысы "Қазақстан Республикасының кейбір заңнамалық актілеріне жылжымайтын мүлікке құқықтарды және заңды тұлғаларды мемлекеттік тіркеу мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды", - делінген хабарламада.

Заң Парламент мүшелерінің бастамасымен әзірленген. Құжаттың негізгі мақсаты - электронды форматқа көшу және тіркелген құқықтар туралы ақпаратты ақпараттық жүйелер арқылы алу, жылжымайтын мүлікті, заңды тұлғаларды тіркеуге және объектілерді бұзумен байланысты механизмдер мен процестерді жетілдіру.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!