Тоқаев Катар Әмірін Футболдан әлем чемпионатын сәтті өткізуімен құттықтады

Қазақстан Республикасының Президенті Қасым-Жомарт Тоқаев Қатар Әмірі шейх Тәмим бен Хамад Әл Тәниді Футболдан әлем чемпионатын сәтті өткізуімен құттықтады, - деп хабарлайды Tengrinews.kz тілшісі.

"@TamimBinHamad, сізді #FIFAWorldCup додасын сәтті өткізулеріңізбен құттықтаймын. Бұл турнир әлемдік футбол тарихында биік рухтың, әділ ойын мен қатарлықтардың ерекше қонақжайлығының белгісі болып қалады", - деп жазды Мемлекет басшысы Twitter-дегі парақшасында.

Айта кетейік, Катарда өткен футболдан әлем кубогі мәресіне жетті. Ақтық матчте Аргентина құрамасы пенальти сериясында Франциядан басым түсіп, жеңіске жетті.

Сілтемесіз жаңалық оқисыз ба? Онда Telegram желісінде парақшамызға тіркеліңіз!