+7 (777) 001 44 99
Қазақша
Русский
English
21 қаңтар 2022 | 11:56
Тоқаев "Қазақстан халқына" қорына бір күндік жалақыны аудару туралы: Мүлде қажетсіз бастама
Президент Қасым-Жомарт Тоқаев мемлекеттік қызметшілер және бюджеттік қызметкерлердің бір күндік жалақысын "Қазақстан халқына" қорына аудару "мүлдем қажетсіз бастама" екенін айтты, - деп хабарлайды Tengrinews.kz тілшісі.
ПОДЕЛИТЬСЯ
Президент Қасым-Жомарт Тоқаев мемлекеттік қызметшілер және бюджеттік қызметкерлердің бір күндік жалақысын "Қазақстан халқына" қорына аудару "мүлдем қажетсіз бастама" екенін айтты, - деп хабарлайды Tengrinews.kz тілшісі.
"Үндеуімді қолдап, "Қазақстан халқына" қорына қаражат аударып жатқандарға алғыс білдіремін. Бұл игі және дер кезінде жасалған әрекеттер ең жоғары бағаға лайық. Бірақ бұл жерде формализм мүлдем болмауы керек. Мемлекеттік қызметшілерден, бюджеттік қызметкерлерден бір күндік жалақы жинала бастады. Бұл мүлде қажетсіз бастама", - деді Президент.
Мемлекет басшысы қор бюджеттік қор емес екенін баса айтты.
"Бұл - Қазақстан халқының қоры. Сондықтан оның жұмысын бюрократиялық процедурасыз құру керек. Бұл жұмыс толық ашық болады. Барлық ірі компания пайдалы қайырымдылық қызметпен айналысатын қорға үкімет белгілеген салық кірісінің пайызын енгізеді. Бизнес қауымдастық бұл бастаманы шын жүректен қолдайды және қорға жобаны жүзеге асыруға көмектеседі деп сенемін", - деді Тоқаев.
Айта кетейік, 2022 жылғы 16-19 қаңтар аралығында (қоса алғанда) қоғамдық қорға 16 167 қазақстандықтан 29,3 миллион теңге түскен. 75 заңды тұлға мен ірі бизнесмендерден 19,2 миллиард теңге түскен.
"Қазақстан халқына" қорынан қалай көмек алуға болады? Болат Жәмішев жауап береді.
Президент "Қазақстан халқына" қорын құру туралы 11 қаңтарда мәлімдеді. "Бұл барлық қазақстандықтардың қоры. Бұл - халық қоры. Ол әкімшілік немесе үкіметке қарасты жұмыс істемейді", - деді Мемлекет басшысы. 15 қаңтарда қорды Болат Жәмішев басқарғаны белгілі болды. 16 қаңтарда қамқоршылық кеңес мүшелері сайланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
