Тоқаев қазақстандықтарды Ұлттық валюта күнімен құттықтады

Президент Қасым-Жомарт Тоқаев қазақстандықтарды Ұлттық валюта күнімен құттықтады, - деп хабарлайды Tengrinews.kz тілшісі.

"Баршаңызды Ұлттық валюта күнімен және қаржыгерлерді кәсіби мерекесімен құттықтаймын! Төл теңгеміз – қастерлі Тәуелсіздігіміздің символы. Сонымен қатар, экономикалық дамуымыздың басты кепілі. Еліміздің қаржы жүйесіне халықтың әл-ауқатын одан ары жақсарту міндеті жүктеледі", - деп жазды Мемлекет басшысы Twitter-де.

Қазақстанда 15 қарашада ұлттық валюта күні атап өтіледі, 1993 жылы дәл осы күні республикада теңге айналымға енгізілді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!