Тоқаев коронавирустан қайтыс болған қазақстандық жайлы жазба жариялады

Мемлекет басшысы Қасым-Жомарт Тоқаев коронавирустан қайтыс болған қазақстандық әйел жайлы жазба жариялады, - деп хабарлайды Tengrinews.kz тілшісі.

"64 жастағы әйелдің коронавирустан қайтыс болуы бұл індеттің аса қауіпті әрі карантинді сақтау өте маңызды екенін көрсетеді. Туған-туыстарына көңіл айтамын. Елорда мен Алматыда карантин шараларын күшейтіп, Шымкентте шектеулер енгізу жөнінде шешім қабылданды", - деп жазды Президент.

Ол сондықтан да осындай қажет шара қолдануға мәжбүр болып отырғанын айтты.

"Эпидемияны Бәріміз Бірге жеңеміз. Одан сабақ алып, тиісті қорытынды жасаймыз", - дейді Тоқаев.

Еске салайық, бұған дейін Қазақстанда коронавирустан бірінші қазақстандық қайтыс болғаны хабарланған.

Қазақстан жаңалықтары. Соңғы жаңалықтар. Telegram желісінде бізге жазыл!