Тоқаев құтқарушыларды кәсіби мерекесімен құттықтады

Мемлекет басшысы Қасым-Жомарт Тоқаев құтқарушыларды кәсіби мерекесімен құттықтады, - деп хабарлайды Tengrinews.kz тілшісі.

"Еліміздегі құтқарушыларды кәсіби мерекелерімен құттықтаймын! Сіздер қиындыққа ұшырағандарға көмек беріп, ерен ерліктің үлгісін көрсетіп келесіздер. Құтқарушылардың түрлі апат салдарын жоюға сіңірген еңбегі зор. Қайта құрылған министрлік қызметкерлеріне табыс тілеймін", - деп жазды Президент Twitter желісіндегі парақшасында.

Еске салайық, 19 қазанда құтқарушылар кәсіби мерекесін атап өтеді.

Қазақстан жаңалықтары. Соңғы жаңалықтар. Telegram желісінде бізге жазыл!