Тоқаев мемлекеттің басты міндеттерін атады

Мемлекет басшысы Қасым-Жомарт Тоқаев мемлекеттік басты міндеттерін атады, - деп хабарлайды Tengrinews.kz тілшісі.

Бұл туралы Президент Twitter желісінде жазды.
 
"Мемлекеттің басты міндеті – отандастарымыздың игілігі мен тұрмыс сапасын қамтамасыз ету. Әділ бәсекені дамыту, шағын және орта бизнесті қолдау, мемлекеттік қолдау шараларының  ашықтығы – жаңа экономикалық бағыттың негізгі қағидалары", - деп жазды ол.

Сондай-ақ, Мемлекет басшысы Үкімет ұлттық валютаның тұрақты бағамын қамтамасыз етуге басымдық беруге тиіс екенін айтты.

"Теңгені бекемдемей және инфляцияны төмендетпей, орнықты экономикалық өсімге қол жеткізу, азаматтардың әл-ауқатын арттыру, инвесторлардың сеніміне ие болу мүмкін емес", - деп жазды Тоқаев.

Сілтемесіз жаңалық оқисыз ба? Онда Telegram желісінде парақшамызға тіркеліңіз!