Тоқаев Перумен ынтымақтастық туралы үш заңға қол қойды

Президент Қасым-Жомарт Тоқаев Қазақстан мен Перу арасындағы келісімдерді ратификациялау туралы заңдарға қол қойды, деп хабарлайды Tengrinews.kz тілшісі Ақорда баспасөз қызметіне сілтеме жасап.

Атап айтқанда, Мемлекет басшысы "Қазақстан Республикасы мен Перу Республикасы арасындағы қылмыстық істер бойынша өзара құқықтық көмек туралы шартты ратификациялау туралы", "Қазақстан Республикасы мен Перу Республикасы арасындағы сотталған адамдарды беру туралы шартты ратификациялау туралы", "Қазақстан Республикасы мен Перу Республикасы арасындағы ұстап беру туралы шартты ратификациялау туралы" заңдарға қол қойды.

Еске сала кетейік, Сенат депутаттары Перумен үш келісімді ратификациялады. Олар қылмыскерлерді экстрадициялауды, қылмыстық тергеуге көмек көрсетуді және сотталғандар мен күдіктілерді беруді қамтиды. Толығырақ мына жерден оқи аласыздар.

Сілтемесіз жаңалық оқисыз ба? Онда Telegram желісінде парақшамызға тіркеліңіз!