Тоқаев ресми сапармен Брюссельге барады

Ақорда баспасөз қызметінің фотосы

22-23 маусымда Мемлекет басшысы Қасым-Жомарт Тоқаев Еуропалық Кеңес президенті Антониу Коштаның шақыруымен Брюссельге ресми сапармен барады, - деп хабарлайды Tengrinews.kz Ақордаға сілтеме жасап.

Сапар аясында Еуропалық Кеңес президенті Антониу Коштамен және Еуропалық комиссия президенті Урсула фон дер Ляйенмен келіссөздер жоспарланған.

Тараптар Қазақстан мен Еуропалық Одақ арасындағы кеңейтілген серіктестік пен ынтымақтастықты нығайту перспективасын талқылайды.

Сапар бағдарламасында Бельгия премьер-министрі Барт де Вевермен кездесу қарастырылған.

Сонымен қатар, Мемлекет басшысы ірі еуропалық компаниялар жетекшілерінің қатысуымен өтетін "Қазақстан – ЕО" дөңгелек үстелінде сөз сөйлеп, бірқатар кездесу өткізеді.

Анықтама: Еуропалық кеңес — бұл ЕО-ға мүше елдердің мемлекет және үкімет басшылары кіретін орган. Ол Еуропалық одақ дамуының негізгі саяси бағыттары мен стратегиялық басымдықтарын айқындайды, бірақ әдетте заң қабылдамайды. Еуропалық комиссия — ЕО-ның атқарушы органы. Ол заң жобаларын әзірлейді, Еуроодақ заңдарының орындалуын қадағалайды, ЕО бюджетін басқарады және жекелеген елдердің емес, тұтас одақтың мүддесін білдіреді.

тоқаев Брюссель сапар

Редакция сұрағы

Бұл туралы не ойлайсыз?

Жолдау

Пікірлер редакция тарапынан модерациядан өтеді

Пікірлерді оқу