Тоқаев стратегиялық командалық-штабтық әскери оқу-жаттығу жиынын өткізді

Мемлекет басшысы стратегиялық командалық-штабтық әскери оқу-жаттығу жиынын өткізді, - деп хабарлайды Tengrinews.kz тілшісі Ақорданың ресми сайтына сілтеме жасап.

Қорғаныс министрлігінде Қазақстан Президенті - Қарулы Күштердің Жоғарғы Бас қолбасшының төрағалығымен кезекті стратегиялық командалық-штабтық әскери оқу-жаттығу жиыны өтті. 

Мемлекеттік орган басшылары Президентке гибридті қауіп-қатерлерге қарсы іс-қимыл шаралары мен мемлекеттің қорғаныс қабілетін арттыру жөнінде баяндады. Оқу-жаттығу жиынының қорытындысы бойынша Мемлекет басшысы Қазақстан Республикасының Қарулы Күштерін одан ары дамыту жөнінде бірқатар нақты тапсырма берді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!