Тоқаев "Тіл патрульдері" туралы: Кәсіби арандатушылар ұйымдастырып жүр

Президент Қасым-Жомарт Тоқаев "тіл патрульдері" туралы сөйлеп, бұл арандатушылық екенін баса айтты, - деп хабарлайды Tengrinews.kz тілшісі.

Тоқаев "тіл патрульдерінің" әрекеті Қазақстанның ұлттық бірлігіне нұқсан келтіруге бағытталған арандатушылық екенін атап өтті. Президенттің айтуынша, бұл әрекеттің бәрін арнайы қызметтер тапсырмасы бойынша жұмыс істейтін кәсіби арандатушылар ұйымдастырады.

"Саяси және қоғамдық плюрализмнің радикал формаға ауысуына жол беруге болмайды. Сонымен қатар, азаматтарды кемсітуге, олардың ар-намысы мен қадір-қасиетін қорлауға жол берілмейді", - деді Президент.

Президент Қасым-Жомарт Тоқаев қазір ҚХА отырысында сөз сөйлеп жатыр.

Сілтемесіз жаңалық оқисыз ба? Онда Telegram желісінде парақшамызға тіркеліңіз!