Тоқаев туған күнін тойлаудан тағы бас тартты

17 мамыр – Президент Қасым-Жомарт Тоқаевтың туған күні. Мемлекет басшысы бұл күнді қалай өткізуді жоспарлап отыр? Tengrinews.kz тілшісі білді.

Президенттің кеңесшісі әрі баспасөз хатшысы Берік Уәлидің айтуынша, Қасым-Жомарт Тоқаев үшін бұл қарапайым жұмыс күні. Ол жұмыста болады. Бұл датаға байланысты ешқандай іс-шара жоспарланбаған, әкімшілік қызметкерлерінен құттықтаудан бас тарту сұралған.

Еске салайық, Мемлекет басшысы өткен жылдары да осындай ұстанымды ұстанған болатын.

"Президенттің принципті ұстанымы. Оның отбасында балалардың да, ата-анасының да туған күнін тойлау әдетке айналмаған", – деп түсіндірді Берік Уәли.

17 мамырда Қасым-Жомарт Тоқаев 71 жасқа толады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!