Тоқаев: Үкімет отставкаға кетуі тиіс

Қазақстан Президенті Қасым-Жомарт Тоқаев Үкімет заң бойынша отставкаға кетуі тиіс екенін айтты, - деп хабарлайды Tengrinews.kz тілшісі.

"Үкіметке келетін болсақ, ол біздің заң бойынша отставкаға кетуі тиіс. Мен жақын арада сайлау аяқталғаннан кейін Парламентке премьер-министрдің де, Үкімет мүшелерінің де кандидатуралары бойынша депутаттардың жаңа құрамының алдында фракция жетекшілерімен кеңесу үшін барамын", - деді Тоқаев Нұр-Сұлтандағы Оқушылар сарайында дауыс бергеннен кейін жураналистердің сұрақтарына жауап бере отырып.

Қасым-Жомарт Тоқаев Мәжіліс пен мәслихат депутаттарын сайлауда Нұр-Сұлтандағы № 58 учаскеде дауыс берді.

Сайлау 20.00-ге дейін жалғасады.

Еске салайық, бүгін Қазақстан бойынша Мәжіліс пен мәслихаттар депутаттарын сайлау басталды. Онлайн трансляцияны мына сілтеме арқылы көруге болады. 

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!