Тоқаевты қолдайтын халықтық коалицияға кімдер кіреді?

Amanat партиясының төрағасы, Мәжіліс спикері Ерлан Қошанов алдағы президенттік сайлауда Қасым-Жомарт Тоқаевты қолдайтын халықтық коалицияға кімдер кіргенін айтты, - деп хабарлайды Tengrinews.kz тілшісі.

Астанадағы коалиция форумында Мәжіліс спикері жақын арада бүкіл ел бойынша белсенділер мен қоғамшылдарды біріктіретін республикалық штаб құрылатынын хабарлады. Оның айтуынша, сайлау науқаны барысында бірден бірнеше республикалық қоғамдық бірлестіктер Мемлекет басшысы Қасым-Жомарт Тоқаевты президенттікке ұсыну туралы шешім қабылдады.

Халықтық коалиция құрамына кіргендер:

Ұлттық еріктілер желісі, Қазақстанның азаматтық альянсы, "Қазақстан тен" жастар бірлестігі, Ардагерлер ұйымы, Қазақстандық спортшылар одағы, Қазақстан мәслихаттары депутаттарының бірлестігі, Генералдар кеңесі және "Қазақстан ардагерлері" қауымдастығы, сондай-ақ үш парламенттік фракция - Amanat, Қазақстан Халық партиясы және "Ақ жол".

Сілтемесіз жаңалық оқисыз ба? Онда Telegram желісінде парақшамызға тіркеліңіз!