+7 (777) 001 44 99
Қазақша
Русский
English
30 наурыз 2021 | 16:33
Тоқаевтың баспасөз хатшысы Түркі кеңесінің саммитінде не болатынын айтты
Қазақстан Президенті Қасым-Жомарт Тоқаевтың баспасөз хатшысы Берік Уәли Түркі кеңесі саммиті қалай өтетінін айтты, - деп хабарлайды Tengrinews.kz тілшісі.
ПОДЕЛИТЬСЯ
Қазақстан Президенті Қасым-Жомарт Тоқаевтың баспасөз хатшысы Берік Уәли Түркі кеңесі саммиті қалай өтетінін айтты, - деп хабарлайды Tengrinews.kz тілшісі.
Түркі тілдес мемлекеттердің ынтымақтастық кеңесінің бейресми саммиті ертең, яғни, 31 наурызда сағат 17.00-де онлайн форматта өтеді.
"Бейресми саммитті Мемлекет басшысы Қасым-Жомарт Тоқаев ашып, жүргізеді. Жиынға Қазақстан Республикасының Тұңғыш Президенті - Елбасы Нұрсұлтан Назарбаев, Түркия Президенті Режеп Тайип Ердоған, Әзербайжан Президенті Ильхам Әлиев, Өзбекстан Президенті Шавкат Мирзиеев, Қырғызстан Президенті Садыр Жапаров, Түрікменстан Президенті Гурбангулы Бердімұхамедов, Венгрия премьер-министрі Виктор Орбан, Түркі тілдес мемлекеттердің ынтымақтастық кеңесінің бас хатшысы Бағдад Әміреев қатысады.
Жиын барысында бауырлас мемлекеттер арасындағы сауда-экономикалық, мәдени-гуманитарлық салалар бойынша ынтымақтастық және оны одан әрі дамыту мәселелері талқыланады. Саммит қорытындысы бойынша түркі елдерінің мәдени құндылықтарына және Кеңестің мәртебесіне қатысты Декларация қабылданады деп жоспарланып отыр", - деп жазды Берік Уәли.
Айта кетейік, саммит қорытындысы бойынша Түркістанды түркі әлемінің рухани астанасы деп жариялайтын декларацияға қол қойылуы мүмкін.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
