Тоқаевтың жаңа кеңесшісі Өзбекстан президентінің кеңесшісі болады

Еуропа Қайта Құру және даму банкінің бұрынғы президенті, Қазақстан Президентінің штаттан тыс кеңесшісі Сума Чакрабарти Өзбекстан президенті Шавкат Мирзиеевтің кеңесшісі болады. Бұл туралы ол Twitter желісіндегі парақшасында жазды, - деп хабарлайды Tengrinews.kz тілшісі.

"Мен Өзбекстан президенті Шавкат Мирзиеевтің мені Экономикалық даму, тиімді басқару және халықаралық ынтымақтастық жөніндегі кеңесшісі етіп тағайындағанын білгеніме қуаныштымын. Біз оған реформалар бағдарламасын жүзеге асыруда көмектесуге қуаныштымыз", - деп жазды Чакрабарти.

14 қыркүйекте Сума Чакрабартидің Президент Қасым-Жомарт Тоқаевтың Экономикалық даму мәселелері жөніндегі штаттан тыс кеңесшісі болғаны белгілі болды.

Қазақстан жаңалықтары. Соңғы жаңалықтар. Telegram желісінде бізге жазыл!