Тоқаевтың жарлығымен Атом энергиясы жөніндегі агенттік құрылды

Президент Қасым-Жомарт Тоқаев "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" жарлыққа қол қойды, - деп хабарлайды Tengrinews.kz тілшісі.

Жарлыққа сәйкес Қазақстан Республикасының Атом энергиясы жөніндегі агенттігі құрылды.

Еске салайық, бұған дейін Қазақстанда Президент жанындағы Ядролық энергетика агенттігі құрылатыны хабарланды. Бұл туралы Мемлекет басшысы Бурабайда өткен Ұлттық құрылтай отырысында айтты.

Қасым-Жомарт Тоқаевтың сөзінше, азаматтарымыз референдумда бірінші атом электр стансасын салу туралы шешімге қолдау көрсетіп, осы міндетті орындауға жол ашып берді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!