Тоқаевтың КСРО елшілігінде жұмыс істеген кезіндегі суреті жарияланды

Қазақстан Президенті баспасөз қызметінің "Борт № 1" Telegram-арнасы Қасым-Жомарт Тоқаевтың тағы бір суретін жариялады, - деп хабарлайды Tengrinews.kz тілшісі.

Тоқаев суретте қара плащ, ашық түсті көйлек киген, галстук таққан және қолында дипломат бар. Артында қызыл жұлдыз бейнеленген тікұшақ ұшуға дайындалып жатқан секілді.

"Сенбілік сурет. Қасым-Жомарт Тоқаев Кеңес Одағының Қытай Халық Республикасындағы елшілігінде қызмет атқарып жүрген кез. Фото екі ел шекарасына жол жүрер алдында түсірілген, 1989 жыл", - делінген хабарламада.

Сілтемесіз жаңалық оқисыз ба? Онда Telegram желісінде парақшамызға тіркеліңіз!