+7 (777) 001 44 99
Қазақша
Русский
English
30 желтоқсан 2021 15:08
"Тоқта, Аяз ата, тоқта!": Министр ШҚО-да Аяз атаның артынан жүгірген баланы құттықтады
Білім және ғылым министрі Асхат Аймағамбетов Шығыс Қазақстан облысы Алтай қаласында Аяз атаның артынан жүгірген мектеп оқушысын құттықтады, - деп хабарлайды Tengrinews.kz тілшісі Шығыс Қазақстан облысы Білім басқармасының баспасөз қызметіне сілтеме жасап.
ПОДЕЛИТЬСЯ
Білім және ғылым министрі Асхат Аймағамбетов Шығыс Қазақстан облысы Алтай қаласында Аяз атаның артынан жүгірген мектеп оқушысын құттықтады, - деп хабарлайды Tengrinews.kz тілшісі Шығыс Қазақстан облысы Білім басқармасының баспасөз қызметіне сілтеме жасап.
Әлеуметтік желілерде таралған видео кейіпкері Алтай қаласы №6 орта мектептің 3-сынып оқушысы Головень Дмитрий екені белгілі болды.
Асхат Аймағамбетов Дмитрийге хат жолдап, онда оқушының жыл бойы 4 пен 5 алғанын, үлгілі оқығанын жазды.
"Министр оқушының әрдайым осындай батыл болып, ата-анасы мен мұғалімдерін қуантып, алға қойған мақсаттарына жетуін тіледі. Асхат Аймағамбетов мектеп оқушысына кітап сыйлап, алдағы демалыста мүмкіндігінше көп кітап оқуға кеңес берді. Сондай-ақ, бала министрдің атынан басқа да сыйлықтар алды", - делінген ШҚО Білім басқармасының хабарламасында.
Бұған дейін әлеуметтік желіде Аяз атаның артынан жүгірген баланың видеосы тарағаны хабарланды. Әлеуметтік желіде пікір білдіргендер баланың Аяз атаға маңызды хабарламасы болуы мүмкін екенін айтқан еді.
"Баланы тауып, сыйлық бергіміз келеді. Бұл 6-мектеп ауданы, Алтай қаласы", - деп жазды видео авторы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
