Тоқаев әдеби сыйлық тағайындауды ұсынды

Президент Қасым-Жомарт Тоқаев Азия жазушыларына ортақ халықаралық әдеби сыйлық пен электронды кітапхана жасауды ұсынды, - деп хабарлайды Тengrinews.kz тілшісі. 

"Үлкен Азия" халықаралық әдеби сыйлығын тағайындау қажет. Азия жазушыларына ортақ электронды кітапхана жасау керек. Әрине, осы арқылы бүкіл әлемге Азияның бай рухани мұрасын көрсете аламыз. Осы шаралардың барлығын жүзеге асыру үшін және әдебиетті одан әрі дамыту үшін біз бірігуге тиіспіз", - деді Тоқаев Нұр-Сұлтандағы Азия жазушыларының бірінші форумында.

Тоқаев форум жазушылар үшін маңызды сұхбат алаңына айналуы керек екенін атап өтті.

Еске салайық, Президент I Азия жазушылары форумының ашылу салтанатына қатысты. Форум 4-6 қыркүйек аралығында елордада болады.