Тоқаев қайтыс болған арыстық баланың отбасына көңіл айтты

Қазақстан Президенті Арыс қаласында болған жарылыстардан кейін ауруханада қайтыс болған баланың отбасына көңіл айтты, - деп хабарлайды Tengrinews.kz тілшісі. Бұл туралы Қасым-Жомарт Тоқаев Twitter-дегі парақшасында жазды.

"Өкінішке қарай, автокөлік қағып, ауыр жарақат алған арыстық бала елорда ауруханасында қайтыс болды. Ата-анасы мен туған-туыстарына көңіл айтамын. Иманды болсын!", - деді Мемлекет басшысы. 

Еске салсақ, Арыстық 8 жастағы бала 2 тамызда сағат 9.20-да Нұр-Сұлтандағы № 2 балалар ауруханасында қайтыс болды. Арыс қаласында жарылыс құрбандарының жалпы саны төрт адамға жетті.