Тоқаев ҚазАУ ректорына тапсырма берді

Қасым-Жомарт Тоқаев С.Сейфуллин атындағы Қазақ агротехникалық университеттің ректоры Ақылбек Күрішбаевты қабылдады, - деп хабарлайды Tengrinews.kz тілшісі Ақорда сайтына сілтеме жасап.

Мемлекет басшысына С.Сейфуллин атындағы Қазақ агротехникалық университетінің қазіргі жұмыстары, сондай-ақ аграрлық білім мен ғылымды жетілдірудің жағдайы мен перспективалары туралы баяндалды.

Қазақстан Президенті университеттің қол жеткізген табыстарын атап өтіп, ауыл шаруашылығын өркендетуге мүмкіндік беретін аграрлық ғылымды дамыту жөніндегі ұсыныстарды қолдады.

Кездесу соңында Қасым-Жомарт Тоқаев бірқатар нақты тапсырма берді.