Тоқаев Затобол кентінің атауын Тобыл деп өзгертті

Қостанай облысындағы Затобол ауылының атауы Тобыл деп өзгертіліп, аудандық маңызы бар қалалар санатына жатқызылды, - деп хабарлайды Tengrinews.kz тілшісі Ақорда сайтына сілтеме жасап,

Бұл қаулыға Мемлекет басшысы Қасым-Жомарт Тоқаев қол қойды.

"Қазақстан Республикасының әкімшілік-аумақтық құрылысы туралы" 1993 жылғы 8 желтоқсандағы Қазақстан Республикасы Заңының 9-бабына сәйкес қаулы етемін: Қостанай облысы Қостанай ауданының Затобол кенті аудандық маңызы бар қалалар санатына жатқызылсын. Затобол кенті Тобыл қаласы болып қайта аталсын. Осы Жарлық алғашқы ресми жарияланған күнінен бастап қолданысқа енгізіледі", - делінген сайтта.