Цой неге екі айға жуық брифингтерге шықпағанын айтты

Қазақстанның денсаулық сақтау министрі Алексей Цой журналистердің қатысуымен өтетін брифингтерге неге сирек қатысатынын айтты, - деп хабарлайды Tengrinews.kz тілшісі.

"Неге сіз 13 қазаннан бастап брифингке шықпадыңыз? Жақында екі ай болады", - деп сұрады журналист Цойдан ОКҚ онлайн-брифингінде.

"Брифинг күтетіндеріңіз үшін көп рақмет. Әрине, олар біз үшін өте маңызды. Біз шешуіміз керек көптеген өткір мәселе бар. Өңірлерге, тікелей ошақтарға көптеген сапар жасадық. Ауруханаларға барып, әріптестерімізбен кездестік, әр өңірде - Маңғыстау облысында, Шығыс Қазақстан облысында іс-шараларды қалай өткізу керегі түсіндірілді. Әріптестерімізбен түрлі іс-шара мен дайындық өткіздік.

Біз орындауға міндетті осындай сәттер өте көп, соның ішінде өңірлік форматтағы жұмыс. Брифингті бүгінге жоспарладық, сіздерді қызықтыратын жағдайларды түсіндіруге дайынбыз", - деп жауап берді Алексей Цой.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!