Цой отбасы азық-түлікке қанша ақша жұмсайтынын айтты

Денсаулық сақтау министрі Алексей Цой бес адамнан тұратын отбасына азық-түлік алуға қанша қаражат жұмсайтынын айтты, - деп хабарлайды Tengrinews.kz тілшісі.

Журналистер Мәжіліс кулуарында министрден отбасылық бюджет туралы сұрады.

"Отбасымда 5 адам бар, азық-түлік шығындарына орташа есеппен аптасына 50-70 мың теңге жұмсаймыз. Мұның бәрі отбасылық жиын немесе басқа нәрселерге байланысты. Біз де басқалар секілді қарапайым дүкендерге барамыз. Сондықтан бұл - қалыпты жағдай", - деді денсаулық сақтау министрі.

Бұған дейін денсаулық сақтау министрі Алексей Цой айына 900 мың теңге көлемінде жалақы алатынын айтқан болатын.

Сілтемесіз жаңалық оқисыз ба? Онда Telegram желісінде парақшамызға тіркеліңіз!