+7 (777) 001 44 99
Қазақша
Русский
English
08 ақпан 2023 | 15:22
Түркияда қазақстандық құтқарушылар үйінді астынан әйелді құтқарды
Түркиядағы қазақстандық құтқарушылардың жұмысы көрсетілді, - деп хабарлайды Tengrinews.kz тілшісі Төтенше жағдайлар министрлігінің баспасөз қызметіне сілтеме жасап.
ПОДЕЛИТЬСЯ
Түркиядағы қазақстандық құтқарушылардың жұмысы көрсетілді, - деп хабарлайды Tengrinews.kz тілшісі Төтенше жағдайлар министрлігінің баспасөз қызметіне сілтеме жасап.
ТЖМ Telegram-арнасындағы мәлімет бойынша, видеода қазақстандық құтқарушылар түркиялық әріптестерімен бірге құтқару жұмыстарын жүргізіп жатыр.
"Түркияға келген қазақстандық құтқарушылар күрделілігі жоғары нысандарға бекітілген болатын. Өткен тәулікте бірінші топ өте көлбеу келген алты қабатты үйді зерттеді, үй шөгіп жатыр, құтқарушылар қиын жағдайда жұмыс істеп жатыр. Блоктан шығару және үйге кіру жүргізілді, іздестіру кезінде қаза тапқан 3 әйелдің денесі табылып шығарылды, үйінділерді тазарту, құрылыс конструкцияларын шығару жүріп жатыр.
Екінші топ толығымен қираған 9 қабатты екі үйді зерттеді, сонымен қатар жергілікті құтқарушылармен бірге тірі адамды - зардап шеккен әйелді шығарып алды. Осы нысанда құтқарушылар 1 адамның денесін тапты", - делінген хабарламада.
Қиранды орнында күрделі жағдай қалыптасқан. Құтқарушылар үйінділер арасынан адамдарды жылдам іздестіру үшін барлық қажетті шараларды қабылдап жатқаны айтылған. Жұмыстар тәулік бойы жүргізіліп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
