+7 (777) 001 44 99
Қазақша
Русский
English
28 маусым 2021 | 11:21
Түркиядағы танымал шипажай маңында алапат өрт болды
Түркияның Мармарис шипажайы маңындағы орманды аймақтан өрт шықты, - деп хабарлайды Tengrinews.kz тілшісі Hurriyet басылымына сілтеме жасап.
ПОДЕЛИТЬСЯ
Түркияның Мармарис шипажайы маңындағы орманды аймақтан өрт шықты, - деп хабарлайды Tengrinews.kz тілшісі Hurriyet басылымына сілтеме жасап.
Эгей жағалауындағы Мұғла провинциясында ауа температурасы маусымдық көрсеткіштен асып кеткенде ірі орман өрті басталған. Алдымен тау бөктеріндегі ағаштар жанып, желдің әсерінен шипажай аумағына өткен.
Өрт кезінде 100 гектар орман алқабы жойылды. Алдын-ала деректер бойынша, өрттің басталуына трансформаторлық қосалқы станциядағы апат себеп болған. Өртті сөндіру үшін авиация жұмылды. Бір өрт сөндіруші қаза тапты.
Мұғла губернаторы Орхан Тавли өрттің жағада байланып тұрған, бағасы 2 миллион түрік лирасына тең яхтаға өтіп, түгі қалмай жанып кеткенін айтты. Туристер мен тұрғындар арасында зардап шеккендер жайлы хабарланбады.
Түркия Метеорология ведомствосы өткен айдың соңғы 51 жылдағы ең ыстық ай болғанын мәлімдеді. Сонымен қатар, температураның алдағы уақытта тағы көтерілуі мүмкін екенін ескертті.
Еске салайық, Түркия туризм маусымын 2021 жылдың соңына дейін созуды жоспарлаған. Ел президенті коронавирус пандемиясына байланысты енгізілген коменданттық сағаттың 1 шілдеден бастап толығымен тоқтайтынын хабарлады.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
