Түркістан облысында алқаптар дрондар көмегімен марокко шегірткелеріне қарсы өңделіп жатыр

Түркістан облысында алқаптар ұшқышсыз ұшақтар көмегімен марокко шегірткелеріне қарсы өңделіп жатыр, - деп хабарлайды Tengrinews.kz тілшісі үкіметтің баспасөз қызметіне сілтеме жасап.

Қазірдің өзінде 252 мың гектар жер (93 пайыз) өңделген, оның 1,4 мың гектарына арнайы дрондар қолданылды.

"Заманауи техника бір сағатта 18 гектар жерді қамти алады, ауадағы жұмыс уақыты 15-17 минутты құрайды", - делінген хабарламада.

"Бұл тәсіл Түркістан облысында пилоттық жоба түрінде сынақтан өтуде. Келесі жылы республика бойынша шегірткеге қарсы күрес қызметтерін сатып алуды орталықтандырылған бірыңғай жүйеге көшіру жоспарланған".

Сілтемесіз жаңалық оқисыз ба? Онда Telegram желісінде парақшамызға тіркеліңіз!