Түркістан облысында камера көмегімен халықаралық іздеуде жүрген адам ұсталды

Түркістан облысы Полиция департаменті криминалдық полиция басқармасының қызметкерлері жедел-іздестіру іс-шаралары барысында алты жыл бойы халықаралық іздеуде жүрген 40 жастағы ер адамды ұстады, - деп хабарлайды Tengrinews.kz тілшісі Polisia.kz сайтына сілтеме жасап.

Күдікті есірткіні заңсыз сатумен байланысты қылмыс жасағаны үшін 2019 жылдан бері іздеуде болған.

"Ол адамның бетін тану функциясы бар "FaceID" смарт камерасының көмегімен ұсталды. Қазіргі уақытта полиция жедел-тергеу іс-шараларын жалғастырып жатыр", - делінген хабарламада.

Ұсталған ер адам уақытша ұстау изоляторына қамалды. Болған оқиғаның барлық мән-жайы анықталады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!