+7 (777) 001 44 99
Қазақша
Русский
English
27 мамыр 2019 | 10:46
Түркістан облысында кәріз құдығына түсіп кеткен сәбиді алып шыққан оқушы марапатталды
Жетісай қаласында жас бүлдіршіннің өмірін құтқарып қалған 11 жастағы батыр Бекназар Мейрамбек генерал-майор В. Беккердің алғыс хатымен марапатталды, - деп хабарлайды "Отырар".
ПОДЕЛИТЬСЯ
Жетісай қаласында жас бүлдіршіннің өмірін құтқарып қалған 11 жастағы батыр Бекназар Мейрамбек генерал-майор В. Беккердің алғыс хатымен марапатталды, - деп хабарлайды "Отырар".
Түркістан облысы, Жетісай ауданы, Жетісай қаласының №2 Шохан Уәлиханов мектебінің 5 "а" сынып оқушысы Бекназар Мейрамбек Мұсаұлы 2019 жылдың 02 сәуір күні кешкі сағат 19:40 шамасында Жетісай қаласы А.Қалыбеков көшесінің № 57 тұрғын үйдің жанында орналасқан кәріз септигіне 2 жасар құлаған баланы, құдықтың ішіне түсіп құтқарып қалғаны үшін, Түркістан облысының төтенше жағдайлар департаментінің басшысы Нұрғали Сырлыбайұлы Жүнісов ҚР Ішкі істер министрлігі Төтенше жағдайлар Комитетінің төрағасы генерал-майор В.Беккердің алғыс хатын 25 мамыр соңғы қоңырау жиынында салтанатты түрде табыстады.
Жиын барысында Департамент басшысы Н.Жүнісов М.Бекназарға ерлігі үшін және ата-анасына, мектеп директоры мен сынып жетекшісіне батыр бала тәрбиелегендері үшін өз атынан алғысын білдіріп, М.Бекназарды бағалы сыйлықпен марапаттады.
Жас батыр Бекназар Мейрамбек Мұсаұлы 21.03.2008 жылы қазіргі Түркістан облысы, Жетісай ауданы, Жетісай қаласында дүниеге келген. Отбасында 7 бала бар, ата-анасының екінші перзенті.
Өзімен бірге ойнап жүрген балалармен бірге құлаған баланы көре салысымен септикке қарай дереу жүгіріп келген. Балалар септикке қараса құдықтың іші 1 метрден аса лас су, ал кішкентай бүлдіршін көрінбеген. Осы мезетте Мейрамбек еш ойланбастан, дереу құдықтың ішіне түседі.
Лас су мойын тұсына келгеніне қарамастан суға басын тығып кішкентай бүлдіршінді қолымен іздеп тауып, суға тұншығып жатқан 2017 жылы туған 2 жасар бүлдіршінді көтеріп алып, септиктен шығарған.
Осылайша 11 жасар Бекназар Мейрамбек Мұсаұлы өзінің батылдығын, қайсарлығын көрсетіп, жас бүлдіршіннің өмірін сақтап, өз ісімен ерлік көрсеткен.
Показать комментарии
Читайте также
