Түркістанда ғимараттар шығыс үлгісінде салынады

Түркістан қаласында бой түзейтін ғимараттардың бәрі шығыс үлгісінде салынады, - деп хабарлайды Tengrinews.kz тілшісі қала әкімінің баспасөз қызметіне сілтеме жасап.

Сондай-ақ, әкімдіктегілердің мәліметінше, кесененің маңайы абаттандырылып көркейеді. Қазір кесененің маңайында жаяу жүргіншілер аллеясының құрылысы басталды.

"Бүгінде Тұңғыш Президент есімімен аталатын даңғыл, яғни жаяу жүргіншілер аллеясының құрылысы шығыс үлгісінде жүргізіледі. Жалпы көлемі 12,9 гектар болатын алаң толығымен реконструкциядан өтеді. Оның ішінде жаяу жүргіншілер мен көлікпен жүрушілерге арналған аллея, велосипедшілер мен электр машиналарға арналған жолдар, қарқынды көгалдандыру, субұрқақтар кешені, ауыз су бұрқақтары жасалады", - дейді қала әкімдігінің өкілдері.

© Түркістан қаласы әкімінің баспасөз қызметі