ҰБТ: Сегізінші күннің қорытындысы жарияланды

ҰБТ-тың сегізінші күнінің қорытындысы жарияланды, - деп хабарлайды Tengrinews.kz тілшісі ҚР БҒМ баспасөз қызметіне сілтеме жасап.

2017 жылдың 27 маусым күні өткен Ұлттық бірыңғай тестілеуге 913 өтініш берген жоғары оқу орнына түсушілердің 899 (98,5 пайыз) қатысты. Оның ішінде қазақ тілінде - 870, орыс тілінде - 29 адам. Ұлттық бірыңғай тестілеу 2 ҰБТ өткізу пунктерінде жүргізілді.

Ұлттық бірыңғай тестілеудің сегізінші күнінде 202 тыйым салынған зат алынған. Ал орташа балл - 73,21.

Биыл ҰБТ Республика бойынша 20-27 маусым аралығында өткізіліп жатыр.