ҰҚК әскери қарсы барлау қызметінің бұрынғы басшысы қайтыс болды

Ұлттық қауіпсіздік органдарының ардагері, генерал-майор Саят Мыңбаев қайтыс болды. Ұлттық қауіпсіздік комитеті көңіл айтып, хабарлама жариялады, - деп хабарлайды Tengrinews.kz тілшісі.

"Қазақстан Республикасы Ұлттық қауіпсіздік комитетінің және "ҰҚК органдарының ардагерлері" РҚБ басшылығы ҰҚО ардагері, отставкадағы генерал-майор Мыңбаев Саят Мұхаметбайұлының қайтыс болуына байланысты туыстары мен жақындарына қайғырып көңіл айтады", - делінген хабарламада.

Бұған дейін Саят Мыңбаев ҰҚК әскери қарсы барлау департаментінің бастығы болып жұмыс істеген.

Ашық дереккөздер мәліметтеріне сүйенсек, Саят Мыңбаев "Қазақстан темір жолы" экс-басшысы Сауат Мыңбаевтың ағасы болған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!