ҰҚК өкілдері бұрынғы қызметкерлерінің ұсталуына қатысты пікір білдірді

ҰҚК өкілдері бұрынғы қызметкерлерінің ұсталуына қатысты пікір білдірді, - деп хабарлайды Tengrinews.kz тілшісі ҚР ҰҚК баспасөз қызметіне сілтеме жасап.

"Жекелеген баспасөз ақпарат құралдарында пайда болған ҰҚК Ақтөбе облысы бойынша департаментінің бұрынғы қызметкерлері А. Тахауиев пен К. Дабыловты қамауға алу туралы материалдарға қатысты ҰҚК баспасөз қызметі мынаны түсіндіреді: Көрсетілген адамдарды Ұлттық қауіпсіздік комитетінің жедел тобы 2017 жылғы 8 маусымда ҚР ҚК 194-бабы 2 және 4-бөлімдерінде көзделген қылмыс ("Қорқытып алу") жасады деген күдікпен сотқа дейінгі тергеу шеңберінде ұстады", - делінген ведомствоның түсіндірмесінде.

Сондай-ақ, ҰҚК өкілдерінің айтуынша, ұсталғандарға қатысты 10 маусымда Ақтөбе қалалық № 2 соты тұтқындауға санкция берген.