+7 (777) 001 44 99
Қазақша
Русский
English
16 сәуір 2022 | 14:30
ҰҚК Шекара қызметінің экс-басшысы Нұрлан Жоламанов бостандыққа шықты
ҰҚК Шекара қызметінің бұрынғы басшысы Нұрлан Жоламанов бостандыққа шықты. Бұл туралы Семей қалалық № 2 сотының баспасөз қызметі мәлімдеді, - деп хабарлайды Tengrinews.kz тілшісі.
ПОДЕЛИТЬСЯ
ҰҚК Шекара қызметінің бұрынғы басшысы Нұрлан Жоламанов бостандыққа шықты. Бұл туралы Семей қалалық № 2 сотының баспасөз қызметі мәлімдеді, - деп хабарлайды Tengrinews.kz тілшісі.
"Семей қаласының №2 соты жазаны өтеуден шартты түрде мерзімінен бұрын босату туралы өтініш бойынша, ол заңда белгіленген жаза мерзімінің бір бөлігін өтегені, жазаны өтеу кезінде өзін жақсы жағынан көрсеткені, шығындарды төлегені, сот үкімі бойынша азаматтық талап қоймағаны, жазаны өтеу кезінде 19 мадақтау бар екені, жазаны өтеудің жеңілдетілген түріне ауысқаны, мекеменің қоғамдық өміріне және тәрбие іс-шараларына белсенді қатысқаны туралы материалдарды қарады. Осыған байланысты ол жазаны толық өтеуді қажет етпейді", - деп хабарлады соттың баспасөз қызметіндегілер.
Астана мамандандырылған ауданаралық әскери сотының 2015 жылғы 6 наурыздағы үкімімен Жоламанов мүлкі тәркіленіп, жазасын қатаң режимдегі колонияда өтеумен 11 жылға бас бостандығынан айырылған болатын. Мерзімі 2014 жылы 27 қазанда басталған, 2025 жылы аяқталуы керек.
Ақпарат бойынша, сотталушы оның шартты түрде мерзімінен бұрын босату туралы өтінішін қанағаттандыруды сұраған. Оның адвокаттары, мекеме өкілі және Семей прокуроры да сотталушының өтінішін қолдады.
Соттың баспасөз қызметі өкілдері бұл шешімді түсіндірді.
"Сот азаматтың ҚІБ туралы өтінішін келесі негіздер бойынша қанағаттандыру қажет деп тапты. Жоғарғы Соттың 02.10.2015 жылғы "Жазаны өтеуден шартты түрде мерзімінен бұрын босатудың, жазаның өтелмеген бөлігін жазаның неғұрлым жеңіл түріне ауыстырудың және мерзімін қысқартудың сот практикасы туралы ..." нормативтік қаулысының 9-тармағына сәйкес, сондай-ақ сипатталған деректерді ескере отырып, сот оны түзету және жазаны одан әрі өтеу үшін негіздердің болмауын оң өзгерістер ретінде бағалады. Ол сонымен қатар бірқатар ауыр ауруларды ескерді. Сот актісі заңды күшіне енген жоқ", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
