Үкімет басшысы танымал журналист Батыр Қазыбаевтың отбасына көңіл айтты

ҚР премьер-министрі Әлихан Смайылов танымал журналист Батыр Қазыбаевтың отбасына көңіл айтты, - деп хабарлайды Tengrinews.kz тілшісі.

"Отандық журналистиканың дамуына зор үлес қосқан танымал тұлға Батыр Кәкімжанұлы Қазыбаевтың мезгілсіз дүниеден өтуіне байланысты марқұмның отбасы, туған-туыстары мен әріптестеріне ауыр қайғыларына ортақтасып, көңіл айтамын.

Асыл азаматтың ақжарқын бейнесі еліміздің ақпарат саласындағы аса талантты медиа-менеджер ретінде қалдырған өшпес мұралары мен еңбектері арқылы есімізде мәңгі сақталады. Марқұмның иманы саламат болсын!", - деді Әлихан Смайылов.

Еске салайық, Tengrinews.kz негізін қалаушы және Alash Media Group холдингінің басшысы Батыр Қазыбаев ұзақ аурудан кейін қайтыс болды. Ол 53 жаста еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!