Үкіметте "Қазақтелеком" ұялы байланыс операторларының бірін инвесторға беру туралы айтылды

Үкімет "Қазақтелеком" ұялы байланыс операторларының бірін жаңа инвесторға беруді жеделдету туралы айтылды, - деп хабарлайды Tengrinews.kz тілшісі үкіметтің баспасөз қызметіне сілтеме жасап.

Үкіметте премьер-министр Әлихан Смайыловтың төрағалығымен Экономиканы демонополизациялау жөніндегі комиссияның кезекті отырысы өтті. Қатысушылар "Қазақтелеком" АҚ компаниялар тобын демонополизациялау барысын талқылады.

"Атап айтқанда, мобильді операторлардың бірін бәсекеге қабілетті нарыққа шығару процесі қарастырылды. Қазіргі уақытта әлеуетті шетелдік инвесторлармен келіссөздер жүргізіліп жатыр.

Жалпы бұл шара халыққа көрсетілетін қызмет сапасын арттырып, телекоммуникация саласының дамуына оң әсерін тигізеді деп күтіледі", - делінген хабарламада.

Премьер-министр бұл бағыттағы жұмысты жеделдетуді тапсырды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!