Украина Назарбаевты ең жоғары деңгейде қарсы алуға дайындалып жатыр

Қазақстан Президенті Нұрсұлтан Назарбаев Украинаға мемлекеттік сапармен барады, - деп хабарлайды Tengrinews.kz тілшісі Украинаның Қазақстандағы уақытша сенімді өкілі Юрий Лазебникке сілтеме жасап.

"Әр ай сайын президенттер мен премьер-министрлер телефон арқылы сөйлесіп тұрады. Осы жылдың екінші жартысына Қазақстан Президентінің Украинаға мемлекеттік сапары жоспарланды", - деді Лазебник Астанада өткен брифинг барысында.

Айта кетейік, Президенттің мемлекеттік сапары ең жоғарғы деңгейдегі сапар болып есептеледі.

Еске салайық, Украинаның президенті Петр Порошенко өткен жылдың қазанында Астанаға ресми сапармен келген болатын.