Украинада қазақстандықтар үшін сайлау учаскесі ашылмайды

Украинадағы қазақстандықтар үшін сайлау учаскесі ашылмайды. Бұл туралы ҚР Сыртқы істер министрлігі хабарлады, - деп хабарлайды Tengrinews.kz тілшісі.

"Украинадағы жағдайға байланысты бұл жолы сайлау учаскесін ашпадық. Сондықтан, олар қаласа көрші елдерге – Молдоваға немесе Польшаға барып, сол жерде дауыс бере алады. Бірақ ол үшін елшіліктерді алдын ала хабардар ету керек. Оларға бірқатар бюллетень дайындалды", - деді СІМ баспасөз хатшысы Айбек Смадияров.

Оның айтуынша, өткен президенттік сайлауда шетелде жүрген кейбір қазақстандықтарға бюллетень жетпей қалған.

20 қарашада Қазақстанда кезектен тыс президент сайлауы өтеді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!