Украинадан 23 қазақстандық жүк көлігі шығарылды - министрлік

Индустрия және инфрақұрылымдық даму министрлігі (ИИДМ) қазақстандық 23 жүк көлігі Украина аумағынан шығып кеткенін хабарлады, - деп хабарлайды Tengrinews.kz тілшісі.

"4 наурыздағы жағдай бойынша ИИДМ, ҚР Сыртқы істер министрлігі және үшінші елдердің мемлекеттік органдары көмегімен Украинадан 23 қазақстандық жүк көлігі шығарылды. Тағы 7 жүк көлігі Польша шекарасында", - деді ҚР ИИДМ баспасөз қызметі өкілдері.

Бұған дейін Украина аумағында 50-ге жуық қазақстандық жүк көлігі болғаны хабарланған болатын. Оларды қайтару үшін тасымалдаушылар тізімі жасалып, Сыртқы істер министрлігіне жіберілген.

Сілтемесіз жаңалық оқисыз ба? Онда Telegram желісінде парақшамызға тіркеліңіз!