+7 (777) 001 44 99
Қазақша
Русский
English
15 желтоқсан 2020 | 13:48
Ұлттық банк күмән туғызатын банкноттар туралы айтты
Ұлттық банк елімізде қандай банкнот пен монета күмән туғызатынын айтты, - деп хабарлайды Tengrinews.kz тілшісі.
ПОДЕЛИТЬСЯ
Ұлттық банк елімізде қандай банкнот пен монета күмән туғызатынын айтты, - деп хабарлайды Tengrinews.kz тілшісі.
Бұл туралы Ұлттық Банктің қолма-қол ақша айналымы департаменті Банкнот пен монетаны сараптау басқармасының басшысы Асхат Әбішев айтып берді.
Оның айтуынша, елімізде төлем құралына Ұлттық банк белгілеген банкноттар мөлшерінің кемінде 70 пайыз талабын сақтаған түпнұсқа банкноттар жатады.
"Төлем құралының белгіленген көлемінің кемінде 70 пайызын сақтап қалған банкнот пен монета күмәнді болып саналады. Бұл санатқа бүлінген және бұрмаланған банкноттар да кіреді. Олардың түпнұсқа екенін анықтау қиын.
Егер банкнот Ұлттық банк белгілеген банкнот талабының 50 пайыздан астамын сақтаса, мұндай купюраны ҚҰБ филиалдары түпнұсқалығы мен төлемділігін анықтау үшін сараптамаға қабылдайды.
Сараптама түпнұсқа деп таныған банкноттарды пайдалануға болады", - дейді ол.
Асхат Әбішев бұл тексеріс үшін адамнан қосымша ақша алынбайтынын атап өтті.
Оның айуынша, осы жылдың 11 айында Ұлттық банк сараптамаға 1727 күмәнді банкнот пен монетаны қабылдаған. Оның ішінде 972 банкнот пен монета жарамды банкнотқа айырбасталған.
"Ұлттық банктің барлық филиалы Қазақстан аумағында қолданыста жүрген және заңды төлем құралы болып саналатын ұлттық валютаның төлем банкноты мен монетасын белгіленген құны бойынша қабылдайды", - дейді Әбішев.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
Показать комментарии
Читайте также
