Ұлытау облысында құрғақ шөп жанып өрт шыққан

Ұлытау облысында құрғақ шөп жанып өрт шыққан, - деп хабарлайды Tengrinews.kz тілшісі ТЖМ баспасөз қызметіне сілтеме жасап.

30 шілдеде Ұлытау облысы ТЖД кезекші қызметіне Жаңаарқа ауданының Кенжебайсамай ауылынан 45 шақырым жерде құрғақ шөптің жанғаны туралы хабарлама түскен.

Өрттің алдын ала аумағы 2000 гектар болған. Елді мекенге қауіп-қатер болған жоқ.

31 шілдеде сағат 06:15-те өрт сөндірілді. Өрт аумағы - 1500 гектар. Өртті сөндіруге Ұлытау облысы ТЖД және ТЖД күштері мен құралдары 45-ке жуық адам мен 12-ден астам техника жұмылдырылды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!