Үш облыста ауа райының қолайсыздығына байланысты жолдар жабылды

Үш облыста ауа райының қолайсыздығына байланысты жолдар жабылды, - деп хабарлайды Tengrinews.kz тілшісі.

"ҚазАвтоЖол" ҰК баспасөз қызметінің жетекшісі Маржан Ордабайдың айтуынша, үш облыста ұзындығы 873 шақырым 6 учаскеде қозғалыс жабылған. Бұл республикалық маңызы бар жолдардың 3,5 пайызы, трассаларда 654 бірлік техника жұмыс істейді.

Ауа-райының қолайсыз жағдайларына байланысты келесі автожолдарда көлік қозғалысына уақытша шектеу қойылды:

1. "Үшарал-Достық" шақырым 83-184, Көктума-Достық 2."Алматы-Өскемен" шақырым 971-1068, Қалбатау –Қасым-Қайсенов
3. "Омбы-Майқапшағай" шақырым 587-733, Павлодар обл–Семей
4."Өскемен-Семей" шақырым 10-198, Герасимовка–Семей.
5. "Омбы-Майқапшағай" шақырым 756-906, Семей–Қалбатау.
6. "Омбы-Майқапшағай" шақырым 426-587, Кенжекөл–ШҚО

Республика бойынша арнайы 654 техника жұмыс жасап жатыр.