Ватикан сайтында Рим Папасының Қазақстанға сапары туралы ақпарат жарияланды

Ватикан сайтында Рим Папасының Қазақстанға сапары туралы ақпарат жарияланды, - деп хабарлайды Tengrinews.kz тілшісі.

"Азаматтық және шіркеу билігінің шақыруын қабылдай отырып, Рим Папасы Франциск Әлемдік және дәстүрлі діндер көшбасшыларының VII съезіне орай, биыл 13-15 қыркүйек аралығында Қазақстанға жарияланған Апостолдық сапарын жасайды", - делінген Ватиканның ресми хабарламасында.

Бұған дейін Ақорданың баспасөз қызметі Рим Папасы Франциск 13-15 қыркүйекте Қазақстанға келетінін хабарлаған болатын. Сапар барысында еліміздің жоғары басшылығымен кездесіп, Әлемдік және дәстүрлі діндер көшбасшыларының VII съезіне қатысу жоспарланған.

Сілтемесіз жаңалық оқисыз ба? Онда Telegram желісінде парақшамызға тіркеліңіз!