1. Басты
  2. Біл
  3. Жаңалықтар
  4. Ел жаңалықтары

VIP-нөмірлерді сатудан мемлекетке қанша пайда келгені анықталды

Иллюстрациялық сурет. © automag.kz Иллюстрациялық сурет. © automag.kz

Парламент Мәжілісі төрағасының орынбасары Владимир Божко автокөліктердің "әдемі" нөмірлерін сатудан мемлекетке қанша кіріс кіргенін айтып берді, - деп хабарлайды Tengrinews.kz тілшісі. 

"3 жылда ІІМ арнайы ХҚКО арқылы "әдемі" нөмірлерді сатудан 5 миллиард 548 миллион теңге кіріс көрді", - дейді Божко Мәжіліс сағаты кезінде. 

"Келесі жылы арнайы ХҚКО Батыс Қазақстан және Ақмола облыстарында ашылады", - деп айта кетті Божко. 

Мұның алдында Ішкі істер министрлігінің өкілдері көліктерді мемлекеттік тіркеу ережелеріне өзгерістер енгізілетінін мәлімдеген болатын. 

Атап айтқанда, сатып алушылар "әдемі" нөмірлердің тізімін арнайы ХҚКО-лардағы ақпарат тақталары мен ішкі істер органдарының сайттары арқылы таныса алатынын айтылған.