WhatsApp-та далада вирус шашылатыны туралы фейк тарады

Қазақстандықтар WhatsApp-та 7-8 тамызда "вирус шашатындықтан" далаға шықпауға шақыратын хабарлама таратып жатыр. Stopfake.kz мәліметінше бұл фейк хабарлама, - деп хабарлайды Tengrinews.kz тілшісі.

Хабарлама авторы "аурухана қызметкерлерінің" айтқанына сүйенеді. Олар стационарларда ауру жұқтырған науқастардың жаппай түсуіне дайындалып, оттегі баллондарын дайындап жатыр екен.

"10-11 тамызда адамдар ауруханаларға көптеп түседі, терезелерді жауып, шыдаңыздар. Таныстарыңызға айтыңыз. Барлығы жоспарланған. Әлсіздер өліп кетеді", - делінген мәтінде.

Санитарлық-эпидемиологиялық бақылау комитеті бұл ақпаратты теріске шығарған.

"Бұл - фейк. Ақпарат шындыққа жанаспайды", - деді ведомство өкілдері. 

Сондай-ақ, мекемедегілер Қазақстанда жалған ақпарат тарату заңмен жазаланатынын еске салды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!